Avokati Spartak Ngjela, me anë të një postimi në Facebook, e ka vlerësuar vizitën e Ramës në Uashington dhe pritejen e zhvilluar me presidentin amerak, Barack Obama, si rezultat i neverisë që kanë amerikanët për Berishën.
Përsëri në fokusin e avokat Ngjelës ka qenë Sali Berisha. “Neverine që ka politika amerikane për Berishën, e përfitoi Rama si protokoll, nderime dhe si pritje e politikës së lartë amerikane”. Kështu shkruan avokat Spartak Ngjela, duke analizuar vizitën e Ramës në Uashington dhe pritjen e zhvilluar me presidentin amerikan Obama dhe zyrtarë të tjerë të lartë atje.
Statusi i Saprtak Ngjelës:
Vizita e Kryeministrit shqiptar në Uashington:
Ishte një meritë e tij si figurë politike?
Ishte shenjë për rëndësinë e Shqipërisë në politikën botërore?
Apo – mos ishte dhe diçka tjetër?
Sigurisht që Shqipëria sot eshte pikë qendrore në politikën amerikane dhe gjermane në Ballkan. Por, edhe e penguar nga politika zyrtare shqiptare, kundër interesit shqiptar.
Kjo eshte arsyeja e gjërave – pengesa e kësaj politike në Tirane. Dhe këtë, sigurisht që e përfitoi Rama.
E thënë shkurt: neverine që ka politika amerikane për Berishën, e përfitoi Rama si protokoll, nderime dhe si pritje e politikës së lartë amerikane.
Por, vetëm të djathtët nuk duan ta kuptojnë këtë në Shqiperi, dhe mbeten peng i gravitacionit oriental Berisha.
Nuk e kuptojnë, se nuk e duan progresin perëndimor, edhe një grup otomanësh që e shohin Saliun si shpresë osmane në Shqipëri.
Gjithsesi, ky eshte realiteti. Berisha konsiderohet sot ende si pengesë në progresin perëndimor të Ballkanit, dhe, këtë fakt, e përfitoi Rama keto dite në Uashington.
Por, a do ta heqë këtë pengese antiprogres Rama? Sigurisht, kjo mbetet për t’u parë. Por politika amerikane e përkrahu pikërisht për këtë. Këtu do jemi… politika vazhdon.
Bold News
