Hakmarrja për prishjen e fejesës ka qenë shkaku që ka zemëruar tej mase 27 –vjeçarit të djegë 4 makinat kunatës së tij.
Detaje të tjera kanë ardhur nga zjarrëvënia e qëllimshme e ndodhur sot në Tiranë, ku katër automjete u përfshinë nga zjarri.
Ngjarja ndodhu në rrugën “Ever Birko” dhe ka për autor shtetasin Oltjan Murataj, 29 vjeç. Personi në fjalë dyshohet se ka përdorur individë të tjerë që të djegin katër automjetet nën pronësi të ishkunatës së tij, Amelina Ahmeti dhe bashkëshortit të saj. Ndërkohë, burime brenda Policisë thonë se motivi i kësaj ngjarje ka qenë hakmarrja për një lidhje dashurie të ndërprerë.
Mësohet se Murataj ka qenë i fejuar me motrën e të dëmtuarës, Amelina Ahmeti, por kjo e fundit është bërë shkak për ndarjen e tyre. Për këtë qëllim, i riu dyshohet se është hakmarrë për prishjen e fejesës me motrën e të dëmtuarës.
