Aksioni i policisë së Tiranës për të kontrrolluar makinat luksoze ka nisur prej disa ditësh, ku mësohet se plot 130 automjete i janë nënshtruar vëzhgimit të detajuar.
Deri më tani, rezultojnë gjashtë makina luksoze të të markave të njohura dhe vitprodhimeve të fundit. Burime nga policia thonë janë bllokuar, pasi dyshohet se ato janë të trafikuara nga vendet e Europës Perëndimore.
Kontrollet e Policisë së Tiranës po ushtrohen kryesisht në zonën e ishBllokut dhe do të vijojnë edhe disa ditë të tjera.
Në mbështetje të policisë rrugore janë angazhuar edhe forcat operacionale si dhe reparti Shqiponja pasi në disa raste është hasur rezistencë nga pronarët e automjeteve. Vetëm pak ditë më parë Policia e Shkodrës në bashkëpunim me prokurorinë e këtij rrethi finalizuan një operacion ku u sekuestruan 19 makina luksi si dhe u arrestuan disa persona, shumica e të cilëve me pas u liruan nga gjykata. Burime nga uniformat blu bëjnë me dije për “Top Channel” se ka dyshime se në vend është rikthyer sërish trafiku i automjeteve të vjedhura për të cilat ka dyshime se vidhen në shtete të ndryshme të Europës dhe më pas pajisen me dokumentacion të dubluar. Ndërkohë krahas verifikimit të mjeteve, policia rrugore ka ushtruar kontrolle edhe për drejtuesit, sa i takon përdorimit të alkoolit dhe dokumentacioneve përkatëse. Top – Channel
