Vladimir Peqini, kreu i grupit “Mandela” në Elbasan u ekstradua dy ditë më parë nga Spanja pasi është dënuar si përgjegjës për vrasje dhe rrëmbime gjatë vitit 1997.
Gjatë shoqërimit të 50 -vjeçarit nga policët e Tiranës për në burg, atij i janë gjendur në xhep 0.2 gr bimë narkotike e llojit Kanabis Sativa.
Një rast ky i paprecedentë. Për këtë arsye, ndaj tij ka nisur edhe
procedim penal për posedim të lëndëve narkotike. Nuk dihet ende nëse Valdimir Peqini, vëllai i Eduart Peqinit, kreu i Bandës Mandela, e ka marrë sasinë e lëndës narkotike nga Spanja apo e ka gjetur këtu.
Njoftimi i policisë:
Më datë 13.04.2016, u referuan materialet në Prokurorinë e Rrethit Gjyqësor Tiranë, për shtetasin e ndaluar, Vladimir Peqini, vjeç 50, banues në Elbasan, i dënuar më parë për vrasje, pasi dyshohet se rreth orës 18:50, në I. E.V.P, Tiranë, nga kontrolli në xhep ju gjet e bllokua 0.2 gr. bimë narkotike e llojit Cannabis Sativa. Neni 283 i Kodit Penal.
