Janë intesifikuar protestat në Shtetet e Bashkuara të Amerikës për rritjen e pagës minimale. “Luftoni për 15 dollarë”, kjo është thirrja e mijëra manifestuesve në marshimet e tyre.
Ata kërkojnë që paga minimale të rritet me 15 dollarë.
Nën sulmin e protestuesve ka qenë sidomos McDonalds, zinxhiri më i madh në botë i ushqimit të shpejtë, ku rroga mesatare është rreth 8 dollarë në orë.
Gjigandi i hamburgerëve ndodhet nën shënjestër edhe për pushtetin e tij influencues në caktimin e rrogave.
Në Nju Jork, manifestuesit kanë përfituar nga një tubim republikan në Midtaun, ku ishte i pranishëm edhe pretendenti për kandidat Donald Trump, për të ngritur zërin e tyre.
Ndërsa në Los Anxheles amerikanët kanë marshuar me një parrullë të gjatë ku shkruhej “McJobs na ka dëmtuar të gjithëve”.
Por protesta ka shkuar përtej kufijve amerikanë. Manifestues të shumtë janë mbledhur edhe përpara selisë së McDonalds në parkun Euro Disney në Paris, si dhe përpara selisë së dyqanit në Korenë e Jugut.
