Në shekullin e 21-të ka, në një vend në zemër të Europës ka ende histori të tilla. Një 15-vjeçare në Durrës është dhënë pa dëshirën e saj për fejesë tek një 41-vjeçar. Por nuk mbaron me kaq.
Burri 3 herë më i madh, Martin Haxhiaj se adoleshentja e ka përdhunuar për 1 javë rresht, ‘gruan’ e tij të ardhshme.
Ai është arrestuar sot nga policia e Durrësit me akuzën për marrëdhënie seksuale me dhunë me të mitur.
Për 1 javë Martin Haxhija kishte kryer marrëdhënie seksuale me dhunë me të miturën.
E mitura nga Lezha bëri vet denoncimin në polici për ngjarjen. Sipas saj, 41-vjeçari kishte kërkuar që të martohej me vajzën dhe kishte shkuar në familjen e saj në Lezhë për t’i kërkuar dorën.
Familja e 15-vjeçares paraprakisht kishte rënë dakord, kurse Haxhija e kishte mbajtur për 1 javë të miturën në banesën e tij, ku dhe kishte kryer me forcë marrëdhënie seksuale.
Gjatë denoncimit të të miturës në policinë e Durrësit, ajo ishte shprehur se nuk dëshironte që të martohej me Martin Haxhijan dhe ishte e frikësuar mos trafikohej në Itali për prostitucion. Pas denoncimit në komisariat, vajza u largua për në Lezhë tek familja e saj. Por sërish ajo thotë se ka frikë pasi Haxhija e ka kërcënuar vazhdimisht me jetë.
