Arrestohet një person i shpallur në kërkim për veprën penale “Vjedhja me pasojë vdekjen” e kryer në bashkëpunim, ngjarje e ndodhur në Greqi në vitin 2001, kur është vrarë një gjerman.
Nga ana e Sektorit për Krimet e Rënda në Drejtorinë Vendore të Policisë Berat, sot më datë 14.04.2016, u bë kapja dhe arrestimi i shtetasit të shpallur në kërkim Alfred Metaj, 34 vjeç, banues në Poliçan.
Arrestimi i këtij shtetasi u bë pasi Gjykata e Rrethit Gjyqësor Berat ka vendosur masën e sigurisë arrest me burg për veprën penale “Vjedhja me pasojë vdekjen” e kryer në bashkëpunim. .
Kjo ngjarje ka ndodhur në vitin 2001, në qytetin e Kallamatës të shtetit Grek, ku ky shtetas në bashkëpunim me shtetas të tjerë ka vrarë një shtetas gjerman.
