Gati dy vite e gjysmë nga ulja e dënimit me 45 ditë ditë burgim, pedofili anglez i akuzuar nga prokuroria e Tiranës për marëdhënie seksuale me fëmijë, i është drejtuar sërisht gjykatës së kryeqytetit duke kërkuar uljen e dënimit.
Kërkesa penale është bërë në 17 mars 2016 dhe David Brawn në kërkesën e tij shprehet se kërkon uljen e dënimit me 3 muaj. Kjo duke renditur një sërë argumentash duke filluar nga sjellja e mirë në burg, angazhimi me punë në burgun ku vuan dënimin dhe pendesën e thellë që për veprën penale të kryer prej tij.
Brown është shpallur fajtor në vitin 2009, duke u dënuar me 20 vite burg për pedofili. Nga kjo masë dënimi shtetasi anglez që dikur drejtonte në qendrën humanitare “Fëmijët e tij” në Tiranë, ka arritur të shlyejë 13 vite burg, duke i mbetur dhe plot 7 vite vite burgim.
Uljen e fundit të dënimit, Brawn e ka pasur në dhjetor të 2013-ës me 45 ditë burgim. Në dosjen penale, prokuroria konstatoi gjatë hetimeve duke provuar me anë të dëshmitarëve të viktimave se i pandehuri David Brawn ka konsumuar veprën penale të “Marrëdhënieve homoseksuale me të mitur” në bashkëpunim.
Gjatë dhënies së pretencës, prokuroria nënvizoi se për vuajtjen e këtij dënimi, i pandehuri duhet të izolohet në një burg të sigurisë së lartë, për shkak të rrezikshmërisë së kryerjes së kësaj vepre penale.
Sipas konkluzioneve, i pandehuri ka abuzuar me dy të mitur të moshës 6 dhe 7 vjeç, në kohën kur këta të mitur jetonin dhe banonin në qendrën bamirëse “Fëmijët e tij” që ndodhej në rrugën “Dervish Hekali”, në banesën private me nr. 32, për shkak të kushteve të këqija ekonomike pranë familjeve të tyre.
Gjatë seancave gjyqësore, i pandehuri Brown ka pretenduar disa herë se ishte impotent dhe nuk mund të kryente marrëdhënie homoseksuale për shkak të sëmundjes së fimozës, që për ekspertët mjeko-ligjorë kjo nuk është e vërtetë.
