Presidenti Bujar Nishani ka publikuar në faqen e tij në facebook foto nga masakra që po bëhet në parkun e Liqenit Artificial në Tiranë, ku bashkia po ndërton të ashtuquajturin park lojërash.
Në foto duken qartë punimet dhe betoni i hedhur nga bashkia duke dëmtuar kështu të vetmin park të Tiranës. Kreu i Shtetit e quan vandalizëm barbar ndërsa ka edhe një përgjigje për deklaratat e kreut të bashkisë, Erion Veliaj.
“Vandalizëm barbar mbi parkun e vetëm natyror të mbetur në Tiranë. Gjuhë rrugaçërore ndaj institucioneve shtetërore që kërkojnë respektim të ligjit.
Qytetarët e Tiranës, të rinjtë dhe të rejat mendjehapur kanë nisur tashmë një lëvizje qytetare për emancipim dhe civilizim”, shkruan Nishani.
Ai kërkon një model qytetarie për të ardhmen e fëmijëve.
“T’i lëmë makutërit e botës së vjetër në llumin e tyre të banalitetit dhe krijojmë modelin e qytetarisë, kulturës civile dhe emancipimit për të ardhmen e fëmijëve tanë”, shprehet Presidenti Nishani.
(Boldnews)
