Tenderi i gazit nënujor me 105 km tubacione Shqipëri – Itali është mbyllur dhe është shpallur dhe kompania fituese.
Shoqërine italiane “Saipem” që do të ndërtojnë tubacionin nënujor është e specilalizuar për ndërtime të tilla. Ajo ka marrë përsipër projektimin, ndërtimin dhe instalimin e 105 kilometrave tubacione nga stacioni i pompimit të gazit në Fier, deri në zonen San Foka të Pulias, në Itali.
Punimet do të kryhen në një thellësi nënujore prej 820 metrash me anijen e specialzuar “Castorone”, ndërsa diametri tubit do të jetë 91.4 centimetra.
Me tenderin e fundit përmbylllet i gjithë cikli i kontratave për ndërtimin e gazsjellësit TAP nga Azerbajxhani deri ne Itali. Më herët u njoftuan edhe fituesit për ndërtimin tokësor të tij në Shqipëri e Greqi.
Sipas drejtorit menaxherial të TAP, Ian Bradshaë, ndërtimi në det të hapur ngre sfida të veçanta dhe “Saipem SpA” dha ofertën më të fuqishme teknike si dhe zotëron eksperiencën e duhur për standardet më të larta.
“Saipem” është një kompani gjigande italiane që operon në 60 shtete dhe ka rreth 43.000 të punësuar. Ajo ka një eksperiencë 60-vjeçare në fushën e kërkimit dhe shpimit të hidrokarbureve dhe ndërtimit të tubacioneve të naftës dhe gazit.
