Të premten do të hidhet shorti i gjysmëfinaleve të Champions League, që do të përcaktojnë ecurinë e katër ekipeve të mbetura në garë për të fituar veprimtarinë më të rëndësishme kontinentale: Bayern, Real Madrid, Atlético dhe Manchester City. Shorti do të jetë i rëndësishëm edhe për mundësitë që kanë skuadrat për të fituar Champions League, sipas bastexhinjëve… Bayern është favoriti sipas bastexhinjëve
Pa u hedhur shorti, Bayern Munich është favoriti kryesor për të fituar trofeun. Nga 2.2 në 2.4 lëviz koeficienti për skuadrën e Pep Guardiola kampione të Europës, ndërsa Real Madrid, favoriti i dytë e ka kuotën rreth 3.7. Atletico e Madrid është e treta në listë me 4.4 koeficient, ndërsa nëse Manchester City fiton Champions League atëherë shuma e vënë në bast shtatëfishohet.
Cristiano Ronaldo është golashënuesi më i mirë në Champions League Të premten do të hidhet shorti i lirë. Nuk ka koka grupi dhe ndeshjet gjysmëfinale do të luhen më 26-27 prill dhe 3-4 maj, teksa finalja e madhe e Champions League do të zhvillohet në Milano, në stadiumin “San Siro”, më 28 maj. Atletico Madrid dhe Manchester City luftojnë për të fituar për herë të parë këtë veprimtari që Real Madrid e ka fituar dhjetë herë, ndërsa Bayern Munich pesë herë.
