Ministri i Drejtësisë, Ylli Manjani, ka propozuar që të dënuarit në burgjet tona duhet të riintegrohen dhe të riedukohen jo vetëm të izolohen.
Gjatë prezantimit të projektit të binjakëzimit me Britaninë e Madhe për burgjet dhe shërbimin e provës, Manjani theksoi në fjalën e tij se “sot fillon një epokë e re për burgjet dhe shërbimin e provës”.
“Duhet të bëjmë të mundur riintegrimin e personave të dënuar. Të miturit në burg janë fatkeqësi për shoqërinë. Ka disa kategori që duhen angazhuar në punë publike, pasi integrohen dhe ndihmojnë bashkitë. Duhen zgjidhje alternative, jo izolim. Ftoj kryetarët e bashkive të bashkëpunojnë me sistemin penitenciar, në mënyrë që me anë të shërbimit të provës të riintegrojnë të dënuarit. Vendimi penal nuk ka qëllim izolimin, por riedukimin dhe riintegrimin. Nëse njeriu largohet nga familja, puna dhe shoqëria, nuk ka asnjë të mirë”, u shpreh Manjani.
“Ky është hapi i parë që na ndryshon menaxhimin e sistemit penitenciar, e përgëzoj këtë projekt dhe ftoj kontribuesit që duan të ndihmojnë”, shtoi ministri i Drejtësisë.
