Mjaft i ashpër ka qënë dhe reagimi i kreut të shteti Bujar Nishani. Ai është shprehur se është ofenduar institucioni i Presidentit.
Reagimi i tij vjen pas deklaratës së kryebashkiakut të Tiranës, Erjon Veliaj.
Nishani ka qënë në mesditë me aktivistët për mbrojtjen e Parkut të Liqenit, ku u ka kërkuar të mos tërhiqen përpara asnjë lloj presioni. Ai e ka quajtur një lëvizje emancipuese atë për parkun, ku ka këkuar zbatimin e ligjeve.
“Nuk është hera e parë që sulme me fjalor prej rrugaçësh adresohen. Nuk është normale
Akuzat vijnë nga njerëz që nuk e njohin shtetin, nuk kanë kontribuar asnjë minutë të vetëm për shqiptarët por kanë marrë ndaj saj.
Lëvizja këtu tek parku i liqenit është lëvizje për emancipim. Ti lëmë ata që shantazjojnë qytetarët e Tiranës, ti lëmë në botën e tyre të banalitetit. Ne kemi zgjdhur model tjetër atë të të qenit civil.
Padyshim spekullanti recidivist akuzon presidentin për vilë në mes të parkut. Residenca presidenciale nuk është brenda parkut, së dyti nuk është e Bujar Nishanit por e popullit shqiptar por këta që kanë kulturën e makutit dhe me kulturën e makutërisë e konsideorjnë se pronë e shtetit është personale. Prandaj jo vetëm unë por dhe ju që po rezistoni mos u bëni pre e kësaj dhune verbale.
Prej kohësh Tirana është kthyer në një qytet i pabanueshëm. Dhe lulet u zëvendësuan nga betoni. Oksigjeni është zëvendësuar nga pluhuri i karbonit. Çdo individ që adreson sulme me fjalor rrugaçërie merr atë që meriton. Çdo ofendim dhe fyerje që i adresohet presidentit i adresohet cdo qytetari shqiptar. Kryetari i bashkisë duhet të vijë e të takojë këta djem e vajza. Të respektojë standardet dhe normat e civilizimit dhe qytetarisë. Të zbatojë dhe respekojë ligjin.”
Një ditë më parë kreu i shtetit pati takim me aktivistët ku u premtoi dhe mbështetjen e tyre.
