Prokuroria e Barit ka nisur hetimet për një vrasje të mundshme në lidhje me vdekjen e një foshnje tre muajshe, e cila ka ndërruar jetë 13 shkurtin e vitit të kaluar në spital.
Dyshimet e hetuesve janë të përqendruara te familja. Por ndërsa po hetonin mbi babain e vogëlushes, një 29-vjeçar nga Altamura, policia italiane ka mbledhur prova të cilët kanë hapur një çështje të re ndaj tij, atë të sulmit seksual ndaj një 14-vjeçareje.
Lidhur me akuzën e re 29-vjeçari është arrestuar këtë të shtunë nga ana e karabinierëve, ndërsa theksohet se po vijojnë hetimet për vdekjen e vogëlushes 3 muajshe.
