Kush do ta kishte besuar në fillim të edicionit se Leicester City do të jetë skuadra me interesin më të madh për tu ndjekur në Premierligë.
Kur kanë mbetur pesë javë para fundit në kampionatit, kërkesat për një biletë në stadiumin e Leicester kanë thyer rekorde.
Por skuadra që e ka titullin në duar në Premierligë i ka shitur të gjitha biletat një muaj para përfundimit të edicionit.
Kjo ka bërë që biletat e Leicester të dalin në treg të zi.
BBC raporton se një biletë për ta ndjekur Leicesterin në terrenin e saj në fund të kampionatit po shitet deri në 9000 euro.
Skuadra ka ndërmarrë veprime konkrete për të parandaluar këtë treg.
