Pranvera është bartëse e ndjësive të përgjumjes dhe lodhjes, kryesisht edhe për shkak të ndryshimit të kohës. Këtë gjendje e ndjejnë si të rriturit ashtu edhe fëmijët.
Çfarë duhet të bëni, pra, për të rifituar energjinë dhe t’i gëzoheni verës?
Së pari, është e këshillueshme të mos përdorni shumë yndyrë dhe sheqerna. Duhet konsumuar shumë perime dhe të pihet sa më tepër ujë.
Sakaq terapia e aromave mund të jetë shumë efektive për të luftuar lodhjen dhe humbje e oreksit në pranverë.
Fli më mirë- Një gjumë i mirë, qetësues, i pandërprerë, është hapi i parë për t’u përballur me ndryshimin e sezonit. Aromaterapia rekomandon përdorimin e vajërave esenciale livandoje, për t’u çlodhur dhe për të fjetur më mirë. Në këtë rast, mund të derdhni disa pika esence vajore në jastëk (edhe tek dhoma e fëmijëve). Ose mund të lini disa lule të thata me arome livandoje në tavolinë apo në dollapë. Livandoja është një bimë që rritet shumë mirë në tarracë, duke dhuruar aromë që mban larg edhe mushkonjat.
Mungesa e oreksit dhe lodhja- Lodhja nga ndryshimi i sezonit, e bën familjen të përgjumur dhe pak apatike. Për të ndërhyrë në një mënyrë krejtësisht të natyrshme kundër kësaj gjendje të bezdisshme, aromaterapia ofron vajin esencial të borzilokut. Mjaftojnë disa pika në një shami për t’ju dhënë më tepër energji, por edhe stimuluar oreksin.
Mungesë energjie- Një vaj esencial ideal për të luftuar lodhjen në pranverë është ai i mentes. Aroma e fletes së mentes është një kurë, jo vetëm për lodhjen fizike, por edhe për qartësi mendore dhe nxit përqendrimin.
Ekuilibri psikologjik dhe fizik- Për ata që në pranverë ndihen të rraskapitur emocionalisht, aromaterapia sugjeron përdorimin e vajit esencial të barbarozës. Kjo e fundit ka aftësinë për të rivendosur ekuilibrin dhe për të “harmonizuar” mendjen dhe trupin, qetësues ankthi dhe ndjenjave të shqetësimit. Barbaroza mund të përdoret edhe për një masazh relaksues, e holluar për shembull me vaj bajameje. Ky vaj përzë nga shtëpia edhe insektet.
Është e rëndësishme të kujtojmë se vajrat esenciale nuk duhet të aplikohen direkt në lëkurë, por gjithmonë duhet të hollohen ose të spërkaten me to objekte.
Burimi: TgCom24
