Kryetarja e Bashkisë së Gjirokastrës Zamira Rami ka shkarkuar drejtorin e ndërmarrjes së Ujësjellës-Kanalizimeve, Dashmir Qeli.
Vendmi është marrë në shkelje të ligjit, pasi shkarkimi i Drejtorit të UKGJ duhet të merret nga Asambleja dhe Bordi i ujësjellësit.
“Vendimi është krejtësisht abuziv dhe i paligjshëm. Vetëm Bordi i Ujësjellësit është organi që emëron dhe shkarkon drejtorin, dhe jo Kryetarja e Bashkisë.”- shprehen për Boldnews.al burimet nga zyra juridike e Ujësjellësit të Gjirokastrës.
Kjo lëvizje thellon edhe më tej çarjen e PS me LSI në Gjirokastër. Dashmir Qeli ka qënë në krye të Ndërmarrjes së Ujësjellësit prej 10 vjetësh dhe është themelues i LSI në Gjirokastër në 2004. Ai dha dorëheqjen pas koalicionit Meta-Berisha në 2009. Më herët, Dashmir Qeli ka qënë ish kryetar i FRESSH në vitet ’90.
Në vend të Dashmir Qelit, drejtor i Ujësjellës-Kanalizime në Gjirokastër u vendos Kristaq Xha, ku sipas burimeve të Boldnews.al rezulton i padiplomuar.
