Një selfie në rrjetet sociale e modeles Chontel Duncan ka shkaktuar debat online për mënyrën e mbajtjes së fëmijëve të vegjël.
Modelja postoi një foto teska mbante djalin e saj 13 ditësh në një mënyrë të papërshtatshme, dhe bënte një selfie. Në këtë moshë fëmijët nuk kanë të forcuar qafën dhe koka mund të lëvizë në mënyrë të pakontrolluar.
Kjo ka nxitur reagimin pro dhe kundër të 477 mijë ndjekësve të saj në Instagram. “Jam i shqetësuar për mënyrën si po mban atë fëmijë”, shkruan një prej ndjekësve.
“I shkreti fëmijë”, shkruan një tjetër ndërsa shton “Mbajtja e fëmijës si duhet është më e rëndësishme se një selfie”.
Në kundërpërgjigje Chontel publikoi një foto ku ajo mban kokën e djalit në gjoks, duke i kthyer përgjigje: Nuk kam ndërment të jem e mirë me njerëz që përpiqen të më edukojnë mua. Ishte vetëm një minutë më pas Miah mbështeti kokën në gjoksin tim. Kini besim njerëz por nëse nuk ju pëlqen faqja ime thjesht ikni’
(Boldnews)
