Gjatë një takimi me nxënësit e shkollës “Edith Durham” për Javën e Sigurisë Rrugore, Minitsri i Brendshëm, Saimir Tahiri, nuk ka patur asnjë përgjigje lidhur me çështjen e arrestimit të vëllait të deputetit të PD-së, Enkelejd Alibeaj.
I pyetur nga gazetarët ai u përgjigj se nuk është i autorizuar të jap përgjigje për këtë çështje.
“Unë nuk jam i autorizuar të përgjigjem për këtë pyetje, për sa kohë me të merret Policia. Gjithsesi, ju ftoj t’i adresoheni zyrtarisht Policisë për këtë informacion. Dhe jam shumë i bindur që Policia do përgjigjet në përmasën që është e lejuar – dhe kjo për shkak të natyrës së çështjes. Edhe ata që kanë dalë e janë prononcuar publikisht për motive politike lidhur me këtë çështje, mund të kërkojnë informacion zyrtar në Polici. Dhe besoj Policia do kthejë përgjigje. Unë nuk mund të përgjigjem për këtë”, tha ai, teksa ishte në një takim me nxënësit e shkollës “Edith Durham” në kryeqytet, në kuadër të Javës së Sigurisë Rrugore.
