Një 26 –vjeçar nga qyteti bregdetar i Sarandës është kapur në flagrancë nga policia pasi dyshohet se shpërndante lëndë narkotike, kanabis sativa.
Arbër Kolaj, banues në Sarandë, i është sekuestruar 4 doza me peshë 6 gr lëndë narkotike të llojit “Cannabis sattiva” (mbështjellë me letër alumini). Arrestimi i tij u bë nga Shërbimet e Policisë së Sarandës, pasi u kap në flagrancë në lagjen nr.1 Sarandë, në afërsi të një lokali të quajtur “Rojal”. Shërbimet e Policisë, pas kontrollit të ushtruar në banesën e këtij shtetasi në lagjen nr.1 Sarandë, kanë gjetur gjithashtu edhe 6 fishekë pistolete, të kalibrit 7.62 mm, materiale të cilat u sekuestruan në cilësinë e provës materiale.
