Deputeti socialist, një prej njerëzve më të afërt të Kryeministrit Edi Rama ka dënuar fshirjen e parrullave komuniste nga ndërtesat në Himarë. Pasi të rinjtë demokratë dje fshinë parrullat “Rroftë udhëheqësi ynë i dashur Enver Hoxha!” në fshatin Kudhës, parrulla që shpesh ishin bërë objekt edhe i shkrimeve nga të huajt, ka reaguar deputeti Koço Kokëdhima.
Ai e ka cilësuar këtë veprim të të rinjve demokrat si një akt barbar dhe veprim të dëshpëruar të Partisë Demokratike.
“Restaurimi i ndërtesave në fshatin Kudhës bashkë me rikthimin e parullave është bërë me taksat e qytetarëve shqiptarë. Ato janë dëshmi kulturore e asaj periudhe dhe si e tillë duhet të jenë pasuri e rëndësishme për popullin tonë”, ka thënë Kokëdhima.
“Rroftë Enver Hoxha”, atje ku do pleqërojnë Rama-Kokëdhima (FOTO)
(Boldnews)
