Nga Boldnews.al
Nisur nga një shkrim i Boldnews.al, pas disa mesazheve të dërguara nga disa anëtarë kryesie në degën e PD Berat ka reaguar në mënyrë fyese sekretari i kësaj dege, zoti Namir Lapardhaja.
Nëpërmjet komenteve në faqen tonë si dhe nëpërmjet sms me disa bashkëpunëtorë të faqes, zoti Lapardhaja përmend disa emra të cilët nuk kanë ndonjë lidhje të drejtpërdrejt me shkrimin e mësipërm.
Pas marrjes së informacioneve nga disa anëtarë kryesie të PD Berat, Boldnews.al kontaktoi edhe dy anëtarë të tjerë të kësaj kryesie pjesë e saj që prej vitit ‘97, të cilët bënë me dije se informacionet e mbërritura në redaksinë tonë janë mëse të vërteta. Një prej tyre na ka bërë me dije se e ka të regjistruar në audio të gjithë debatin e zhvilluar në kryesi.
Për respekt të lexuesit po shkruajmë këto rreshta për të sqaruar pozicionin tonë lidhur me debatin e brendshëm dhe nivelin që kanë drejtuesit e degës së PD Berat. Me sa duket drejtuesit e kësaj dege, konkretisht zoti Namir Lapardhaja, mendojnë se të gjithë njerëzit kanë një shef që duhet ti shërbejnë.
Zoti Lapardhaja aludon për gota rakie (sa për humor po e informojmë që personi i përmendur nga ai është me dietë dhe nuk përdor alkool), por ne e përbuzim këtë lloj mendimi se çdokush mund të shitet e blihet për një gotë rakie, një selfie apo për një pozicion drejtori.
Nëse zoti Lapardhaja ka zgjedhur ti shërbejë kryetarit të tij të partisë së degës është çështje e tij personale, por që të përgojojë njerëz të papërfshirë në hallet e tij dhe luftën e brendshme që po e katandis PD e Beratit në shoqatë, këtë nuk ka të drejtë ta bëjë.
Reagimi i tij tregon edhe një herë gjendjen e mjerë të kësaj partie dhe kujdesi që ka dyshja sekretar-kryetar për tu marrë me veten dhe të vetët dhe jo me çfarë i takon. Me të tilla reagime me siguri kupotohet pse ristrukturimi dhe çuarja para anëtarësisë e këtyre individëve për tu rivotuar mbetet detyrë themelore e lidershipit të PDSH-së.
