Vëllai i kreut të Departamentit të Rendit dhe Sigurisë në PD, Enkelejd Alibeaj, ka hedhur poshtë aludimet e mediave për arrestimin e tij nga policia gjermane.
Taulant Alibeaj, ka sqaruar të vërtetën në një prononcim marrë nga “Panorama Online”.
“Unë nuk e di se çfarë kanë shkruar mediat në Shqipëri, por unë mund t’ju konfirmoj me përgjegjësi të plotë se në këtë moment që jemi duke folur unë jam ulur dhe jam duke pirë një kafe në Gjermani. Unë nuk kam asnjë problem me policinë gjermane, dhe nuk jam ndaluar asnjëherë të vetme nga autoritetet këtu, madje nuk kanë as makinë që të marr ndonjë gjobë”, ka thënë ai duke hedhur poshtë çdo akuzë për arrestimin e tij në vjedhjen me armë.
Më herët në Top Channel u publikua lajmi se Taulant Alibeaj, vëllai i kreut të Sigurisë dhe Rendit në PD është arrestuar në datën 7 prill për grabitje të armatosur.
