Përfshihet nga flakë gjigande një fabrikë në Ferizaj

Një fabrikë këpucësh është përfshirë nga flakët, ditën e sotme, në Ferizaj – Prishtinë.

Policia e Kosovës ka thënë se nuk ka të lënduar, por dëmet janë të konsiderueshme. Një punëtor i fabrikës ka thënë se dyshimet e para janë tek një shkëndijë e salduesit e cila ka ndezur një material të ndjeshëm në fabrikë dhe ka filluar zjarri.
Punëtorë e kësaj fabrike janë parë duke kërcyer nga dritaret.
Në momentin e djegies brenda fabrikës kanë qenë 160 punëtorë, prej të cilëve dy janë lënduar në duar teksa janë larguar nga objekti.
Dhjetëra autoambulanca po qëndrojnë afër objektit, për shuarjen e zjarrit të të cilit janë angazhuar zjarrfikësit dhe punëtorët e fabrikës.