Mark Zuckerberg, në faqen e tij në “Facebook”, lajmëroi se shumë shpejt do të aktivizojë opsionin e “Facebook Live”, në rrjetin social më të famshëm në botë. Ky opsion do të bëjë të mundur krijimin dhe shpërndarjen e videove direkt nga profili i çdokujt.
Ky opsion, e thënë në fjalë të tjera, është njëlloj si të keni një kamera televizive në xhepin tuaj. Çdokush, me një telefon do të ketë fuqinë për të transmetuar “live” në të gjithë në botën.
Ky do të jetë një ndryshim i madh në mënyrën se si komunikojmë, duke i sjellë njerëzit më afër njeri-tjetrit.
