Disa foto që janë publikuar së fundmi, bëjnë me dije se njeriu lëre më që ka qenë tanimë në Mars, por edhe se nuk ka qenë vetëm një herë, por disa herë
Pas shkuarjes së suksesshme të njeriut në Hënë, NASA dhe SHBA-ja, respektivisht Departamenti i mbrojtjes, kishin filluar Projektin “Horizon”, një mision ambicioz, i cili kishte për qëllim ta krijonte në bazë permanente të stacionimit në Hënë.
Shkuarja në Mars
Gjatë viteve vijuese, një projekt i ngjashëm kishte marrë fonde, por destinacioni i tij ishte me miliona kilometra më larg. Me emrin e koduar Projekti “Redsun”, qëllimi i tij ishte kolonizimi i suksesshëm i Planetit të kuq, emër tjetër ky i planetit Mars. Misioni i parë përmbante tre astronautë, të cilët kishin shkuar në Mars në kuadër të programit të ndërprerë “Apollo”.
Meqë projekti “Redsun” ishte operacion i përbashkët midis SHBA-së dhe BRSS-së, një kozmonaut sovjetik shoqëronte dy astronautët e famshëm amerikanë, Buzz Aldrin dhe Neil Armstrong. Raketa ishte lansuar nga një “zonë sekrete dhe tërësisht e izoluar në Brazil”. Sekrecia e plotë e një misioni të tillë nënkuptonte që, në asnjë rrethanë, të mos publikohej ndonjë informatë në lidhje me këtë operacion.
Kontrolli i misionit
Kontrolli i misionit ishte vendosur në Cocoa Beach, Florida, nga ku u drejtuan tri lansimet e para të projektit “Redsun”. Të gjitha misionet e tjera më pas ishin zhvendosur dhe ishin administruar nga Area 51.
Fluturimi i parë ndërplanetar kishte arritur kishte arritur në destinacionin e tij kah fundi i vitit 1971 dhe kishte shërbyer si mision i zbulimit. Që atë kohë ishte caktuar edhe një udhëtim i dytë për në Mars, transmeton gazeta Kosova Sot Online.
Lansimi i udhëtimit të dytë u bë më 28 gusht të vitit 1973. Ekuipazhi në këtë fluturake me emrin “ISV Columbus”, përbëhej nga Elliott See (komandanti), Ëilliam B. Rutledge (pilot) dhe Vladimir Ilyushin. Në internet tanimë është publikuar edhe një video klip, me kohëzgjatje prej rreth 3 minutash, për të cilin thuhet se ka “rrjedhur” nga një koleksion i incizimeve 16 mm të arkivit, që ishte përdorë për trajnimin e astronautëve të NASA-s dhe pilotëve të “Air Force”.
Incizimi
Aty shihen astronautët në një anije kozmike, duke u larguar nga Toka, si dhe arritja e tyre në orbitën e Marsit. Detajet në sipërfaqen e Marsit duken gjatë fluturimit orbital.
Derisa autenticiteti i këtij incizimi është vënë në dyshim, ideja se NASA tanimë ka dërguar misione me njerëz në Mars, ka marrë dhenë në mesin e mbështetësve të ideve të konspiracionit.
