Një shqiptar dhe një italian janë arrestuar nga policia në Siena dhe Firence. Ata akuzohen për vjedhje, ndërsa policia ka sekuestruar 13 orë “Rolex”. Në pranga ka përfunduar shqiptari, 42-vjeçari R. N., ndërsa italiani i arrestuar është 31-vjeçari, C. G.
Shtëpia në Siena e tyre ishte e braktisur, ndërsa gjatë kontrollit në banesën në Firence, ku u kapën dy të arrestuarit u zbuluan orët. Policia thotë se vlera e tyre arrin në 30 mijë euro.
Ndërkohë atyre iu gjet dhe 20 gramë marijuanë dhe material për paketimin e saj. I gjithë ky operacion nisi pas grabitjes së banesës së një biznesmeni në Siena. Hetuesit zbuluan se në shtëpi kishin hyrë “vizitore” dhe se kishin marrë vetëm një orë Rolex.
