Policia ka bërë të mundur arrestimin e një punonjësi të një fondacioni për dhënie mikrokredie për fermerë, pasi u merrte pagesat e kësteve të kredive dy personave.
Ai akuzohet për shpërdorim detyre dhe falsfikim të dokumenteve.
Policia e Elbasanit bën me dije se Jorgaq Nishku, 63vjeç nga Gramshi, kishte përvetësuar pagesat e kësteve të kredive të dy shtetasve. “Ky shtetas, u ndalua nga efektivat e policisë, pasi duke qënë me detyrë punonjës i FAF Gramsh (Fondacioni për dhënie mikrokredie për fermerë) dhe shtetasit L.SH, 33 vjeç dhe I.A 28 vjeç kishin marrë kredi pranë këtij fondacioni dhe këstet mujore ja paguanin rregullisht shtetasit Jorgaq Nishku, i cili dyshohet të mos ketë dorëzuar në arkën e fondacionit këstet mujore”, njofton policia e Elbasanit.
