Gjykata e Tiranës ka caktuar masën e sigurisë “arrest me burg” për gardistin Admir Dervishi, i cili vrau dy ditë më parë bashkëshoren e tij, Ildën, nënë e dy fëmijëve.
Dervishi e kreu krimin me armën e shërbimit, ndërkohë që viktima tenonte të largohej për t’i shpëtuar plumbave. Gardisti ka shprehur pendim gjatë marrjes në pyetje si dhe gjatë seancës. Ai ka rrëfyer se nuk ka dashur ta vrasë gruan e tij.
Ndërkohë viktima kishte kërkuar edhe më herët urdhër mbrojtjeje pasi bashkëshorti i saj Admiri e kishte dhunuar. Por këtë fakt gardisti nuk e ka pranuar.
