Një hero i Luftës së Dytë Botërore, i cili ishte ndarë me të fejuarën e tij atëkohë, pritet që të realizojë martesën të cilën e humbi – më shumë se 70 vite më vonë.
Veterani Roy Vickerman u nda me Nora Jackson më 1946. Për shtatë dekada Roy u pendua për braktisjen e të dashurës së kohës së luftës, dhe vendosi që ta gjejë atë për t’i kërkuar falje.
E pabesueshme, por pasi e dëgjoi atë në një radio lokale, ai u ribashkua me të pasi kuptoi se ajo jetonte afër tij.
Ata zbuluan se partnerët e tyre kishin vdekur dhe se të dy ishin beqarë, kështu që vendosën ta vazhdonin aty ku e lanë më 1946.
Më 26 mars të këtij viti, Roy i propozoi Noras në ditëlindjen e saj të 90’të – me unazën e njëjtë që ia kishte dhënë 72 vite më parë.
Duke e përshkruar ribashkimin e tyre emocional, babai i dy fëmijëve, Roy tha: “Mendova se nuk do të bëhem me të për shkak të burrit të saj. Nuk e dija nëse ishte ende e martuar dhe nuk dëshiroja të dëshpëroja dikë. Mendova për këtë rreth një javë. Shkova me taksi për të blerë një buqetë me lule dhe i thash taksistit të më presë për disa minuta”.
“Ajo nuk ia kishte idenë se unë po shkoja. Kur i rashë ziles së derës, e pashë Noran. Ajo erdhi tek dera dhe tha ‘Oh, Roy’. Ajo i vendosi krahët përreth meje dhe më dha një puthje dhe më tha më mbaj”, shton ai.
“Ky moment ishte fantastik”, thotë ai. Dhe pas këtij ribashkimi emocional, çifti kanë planifikuar martesën këtë verë.
Historia e tyre është bërë hit në rrjetet sociale, duke emocionuar shumë njerëz.
