Ka rinisur kthimi i emigrantëve nga Greqia në Turqi në orët e para të ditës së premte.
Grupi i parë i emigrantëve prej 202 personash arriti në Turqi të hënën, por që atëherë procesi kishte ngecur, për shkak edhe të rritjes së minutës së fundit të kërkesave për azil në Greqi.
Çdo person i deportuar shoqërohet nga një përfaqësues nga Agjencia Kufitare e BE-së. Një zëdhënës i Frontex tha se nuk ka pasur asnjë problem gjatë dërgimit të emigrantëve nga kampi për në port.
Sipas marrëveshjes mes Bashkimit Europian dhe Turqisë, të gjithë emigrantët të cilët kanë hyrë ilegalisht në Greqi pas datës 20 mars do të kthehen nëse nuk do të aplikojnë për azil në shtetin helen ose nëse kërkesa e tyre refuzohet.
