Ministri i Jashtëm Ditmir Bushati është aksidentuar përgjatë Rrugës së Kombit, teksa ishte duke u kthyer nga Kosova ku ishte i pranishëm në ceremoninë e zgjedhjes së Hashim Thaçit si president.
Burime për Boldnews.al bëjnë me dije se eskorta e Ministrit të Jashtëm është aksidentuar në afërsi të fshatit Geziq, ndërkohë që mësohet se Ministri Bushati nuk ka pësuar lëndime. Burimet theksojnë se eskorta ka goditur nga pas makinën e Ministrit duke i shkaktuar disa dëmtime të lehta automjetit. Policia e Komisariatit të Mirditës është nisur në vendngjarje.
