Një tjetër shqiptar ia rrestuar në Itali për drogë. Mediat italiane shkruajnë se një 19-vjeçar shqiptar që punonte si ndihmës kuzhinier në një restorant në zonën e Rapallos është vënë në pranga nga policia për shpërndarje droge.
Shqiptari, emri i të cilit ende nuk është bërë i ditur është arrestuar në flagrancë teksa po i dorëzonte një 23-vjeçari dy doza marijuanë me peshë gjithsej 2.7 gram në këmbim të një kartëmonedhe 10 €.
Si rezultat i kontrollit personal, shqiptarit i është gjetur edhe 6 gram hashash në dy doza të ndara. Droga dhe paratë janë konfiskuar, teksa 19-vjeçari është akuzuar për shpërndarje droge.
(Boldnews)
