Në një marrëdhënie në çift është thelbësore që të dini se si të bëni paqe pas një grindje: Ndonjëherë ne diskutojmë për gjëra pa kuptim, ndonjëherë arsyet janë të thella, me pikëpamje dhe debate që shkojnë deri në acarim të toneve.
Pas debatit t’i shkruani partnerit tuaj një mesazh email ose tekst, për t’u pajtuar, është një nga mënyrat më efektive: Para së gjithash për shkak se është shumë romantike, sepse duke qenë të shkruara janë shumë të qarta dhe sepse duke i lexuar dhe ri-lexuar i jepni mundësinë tjetrit të shmangë keqkuptimet.
Këtu keni 10 gjëra për t’i shkruar partnerit pas një zënke mes jush:
1. Përmes një letre, SMS-je, email-i, apo pusulle ju duhet të përpiqeni për të nisur sërish komunikimin me partnerin tuaj, duke i shpjeguar se ky mesazh është menduar si një mendim i veçantë për të, një hap për t’u afruar.
2. Nëse mendoni se personi që keni në krah është i duhuri për ju dhe ai me të cilin dëshironi të qëndroni, atëherë shkruajeni.
3. Nëse mendoni se jeni treguar shumë kokëfortë duke mbrojtur pozitën tuaj, e nëse është e nevojshme të bëni një hap pas, shkruajeni.
4. Kërkoni falje kur jeni gabim, edhe në qoftë se vetëm pjesërisht, sepse ky do të jetë fillimi më i mirë.
5. Nëse problemi është i rëndë, mos bëni sikur nuk ekziston, por shpjegoja partnerit se e vetmja mënyrë për ta zgjidhur është të trajtohet me seriozitet, por pa u grindur.
6. Fiksoni një objektiv të ri, gjithashtu duke bërë paraqitur momentet e vështira që keni kaluar së bashku, duke i parë si një rritje personale edhe për raportin.
7. Theksoni dëshirën tuaj që të keni një marrëdhënie të lumtur: Dhe në vend që të shkruani “Unë nuk dua të grindem me ty” shkruaj “Unë dua të jem me ty”, sepse kjo është mënyra më e mirë për të shmangur një konflikt me njëri-tjetrin.
8. Shpjegoni se si dhe pse është e vlefshme për ju që të ecni përpara, pavarësisht kontestit, çfarë doni të bëni për të ndryshuar gjërat.
9. Tregojini se dëshironi të merrni një përgjigje, me shkrim ose me gojë, sepse doni të dini se çfarë mendon partneri. Por ai mund të marrë të gjithë kohën e nevojshme për t’u përgjigjur me qetësi.
10. “Të dua”, kurrë nuk janë fjalë të tepërta. Sepse këto dy fjalë të vogla mund të jenë shkopi magjik për t’i dhënë fund një zënke.
Burimi: DireDonna
