Presidencialet 2017 në Francë kanë mbledhur së bashku 10 kandidatë të mundshëm duke përfshirë më shumë se gjysmën në listën e zgjedhjeve presidenciale të 2012-ës dhe duke rrezikuar mosaprovimin e francezëve, të cilët dëshirojnë figura të reja në politikë.
Përpara se Partia e djathtë Republikane (opozita) dhe Partia Socialiste në pushtet të përcaktonin përfaqësuesit e tyre, si dhe François Hollande dhe Nicolas Sarkozy të shfaqnin qëllimet e tyre, kandidatët për vitin e ardhshëm shfaqen të njëjtët me atë të vitit 2012.
Datat e parashikuara për organizimin e zgjedhjeve janë 23 prill për paudin e parë dhe 7 maj për të dytin.
Nga 10 kandidatët e shpallur aktualisht, gjashtë janë kandidatë të pesë viteve më parë: Marine Le Pen, drejtuesja e Partisë së ekstremit të djathtë të Frontit Kombëtar, 47 vjeçe, Jean-Luc Melenchon ( e majta radikale 64 vjeç), Nathalie Arthaud (ekstremi i majtë 46 vjeç), Nicolas Dupont-Aignan ( e Sovranitetit, 55 vjeç), Philippe Poutou (ekstremi i majtë 49 vjeç) dhe Jacques Cheminade (74 vjeç), i regjistruar i fundit i cili u shpall sot me bindje si një kandidat antisistem.
