Një grup të rinjsh gjermanë kanë rrahur mbrëmjen e të martës në Weinhubel, Görlitz dy të rinj kosovarë të moshës 16 dhe 18 vjeçare. Ende nuk dihet arsyeja dhe motivet e këtij sulmi, shkruan agjencia DPA.
Rrahja ka ndodhur rreth orës 20, me ç`rast një numër të rinjsh gjermanë sulmuan fizikisht kosovarët 16 dhe 18-vjeçarë. Sipas policisë gjermane, kjo mund të ketë ndodhur për faktin se dy të rinjtë ishin takuar me vajza gjermane.
Për pasojë janë lënduar të dy të rinjtë kosovarë dhe njëri prej tyre është shtruar në spital.
Policia është në kërkim të dëshmitarëve të ngjarjes.
