Të tjera detaje zbulohen nga vrasja e 28-vjeçares Ilda Dervishi, nënë e 2 fëmijëve mëngjesin e sotëm në Tiranë. Fqinjët e pallatit në rrugën e Qelqit në Kombinat, ku banonte çifti Dervishi thanë se ata jetonin në këtë kompleks pallatesh prej 1 viti, ndërsa prej dy javësh ishin vendosur në apartamentin e ri.
Mësohet se pasi ka qëlluar mbi gruan, gardisti Admir Dervishi i ka çuar fëmijët tek fqinjët dhe u ka thënë “Më mbani fëmijët se më kanë vrarë gruan” dhe më pas është ngjitur sërish në banesë ku edhe është ndaluar nga policia.
Fëmijët e çiftit tashmë i ka marrë nëna e viktimës dhe motrat e saj.
