Nëse bëni pjesë tek ata persona që thjesht nuk mund të rezistojnë përballë një ëmbëlsire, këtu janë 10 këshilla si t’i bëni ballë këtij tundimi.
1. Mos blej ëmbëlsira. Duket e parëndësishme, por nuk është. Kur ju shkoni në dyqan ushqimesh, mos blini ëmbëlsira. Në këtë rast: Larg syrit, larg gojës!
2. Zëvendësojini me diçka të shëndetshme. Nëse jeni mësuar të hani diçka të ëmbël pas darke në shtrat, zëvendësojini ëmbëlsirat me pak fruta të thata.
3. Bëni ndonjë përjashtim. Të mësoni për t’i rezistuar tundimit nuk do të thotë të hiqni dorë nga një fetë tortë ose një filxhan akullore. Për shembull, ju mund të bëni një përjashtim për një mbrëmje të veçantë apo për ditëlindjen e një shoku.
4. Vendosni qëllime. Nëse keni një palë xhinse që nuk ju bëjnë më, por i keni shumë qejf, atëherë ky është një qëllim shumë i mirë për t’u arritur dhë shmangur ëmbëlsirat.
5. Jepini vetes të tjera kënaqësi. Nëse mendoni se mungesa e gjërave të ëmbla ul stimujt tuaj, atëherë provoni gjëra të reja që ju pëlqejnë dhe që mund t’ju kënaqin. Një udhëtim, ndoshta një pasdite me miqtë apo një hob i ri.
6. Kutinë mbajeni para syve. Nëse po hani ëmbëlsira mos e hidhni paketimin menjëherë, por mbajeni para syve në mënyrë që të kontrolloni sasinë dhe pastaj të ndaloni në kohën e duhur.
7. Aktiviteti fizik. Stërvitja ndihmon në balancimin e niveleve të sheqerit në gjak dhe ndihmon tretjen.
8. Trajtoni problemin. A e keni pyetur ndonjëherë veten pse tërhiqeni nga ëmbëlsirat? Shkaqet, edhe psikologjike, mund të jenë të ndryshme. Mundohuni pastaj të reflektoni dhe të përqëndroheni tek problemi ose bisedoni me një ekspert, i cili mund të ju ndihmojë të çliroheni nga kjo varësi.
9. Shmangni situata të rrezikshme. Nëse ju e dini se në disa vende apo në rrethana të caktuara gjithmonë përfundoni duke u mbushur me ëmbëlsira, shmangini ato.
10. Konsumoni ushqim të rregullt dhe të shëndetshem. Së fundi, mos harroni se si të hani shëndetshëm. Konsumoni vakte të rregullta dhe ushqim të ekuilibruar që nuk dëmton metabolizmin tuaj.
Burimi: DireDonna
