Kërkesa e opozitës është rrëzuar nga mazhoranca për për ligjin e Dekriminalizimit, ku kërkohet që të përjashtohen nga funksionet publike zyrtarët që arrestohen në kushtet e flagrancës.
Ky është kushti i dytë që u rrëzua pas atij të komisionit parlamentar hetimor.
Gjatë diskutimeve në Komisionin e Ligjeve, deputeti i PD-së Oert Bylykbashi tha se, zyrtari që arrestohet në flagrancë duhet të pezullohet nga detyra deri në një vendim të gjykatës, duke iu referuar rastit të Armando Prengës.
Nga ana tjetër deputetja e PS-së, Vasilika Hysi është shprehur se ligji ka probleme dhe kjo për shkak se u miratua me shpejtësi për “hatër të opozitës”.
Por, mazhoranca refuzoi një gjë të tillë, gjë e cila solli dhe largimin e përfaqësuesve të PD-së në këtë komision.
