Ekipi i futbollit të Interit është një nga kompanitë offshore të përfshira në skandalin e pastrimit të parave në Panama.
Sipas të përditshmes italiane Corriere Della Sera, në parajsën fiskale të zbuluar nga “Panama papers” mes subjekteve italiane të përfshira në kompanitë offshore është edhe ekipi i Interit.
Në fakt emri i interit mes 11.5 milionë dokumenteve të Panama Papers u permend për herë të parë nga gazeta irlandeze Irish Times. Sipas kësaj të përditshme janë të perfshirë edhe shumë emra ish lojtarësh dhe futbollistë aktuale por që nuk ka asnjë emër konkret.
Ndërsa një ditë më parë mes dokumenteve u lakua edhe emri i futbollistit Messi.
Ndërkohë autoritetet në të gjithë botën janë vënë nën trysni për të vepruar, dhe disa prej shteteve si Britania, Franca, Meksika kanë nisur hetimet për mundesine e evazionit fiskal.
