Lajmin për vdekjen e Almir Dacit, shqiptarit që luftoi me ISIS, familja e tij në fshatin Leshnicë e ka marrë nga bashkëshortja e tij që ndodhet ne Siri. Genci Daci, vëllai i Almirit tregon se familja ka hapur dyert e mortit.
“Mësuam lajmin, kishte marrë në telefon kunata dhe kishte thënë mbaroi çdo gjë. Ajo që pritej në një vend lufte. Kërkojmë trupin e vëllait, a ka mundësi shteti ta sjellë. Edhe fëmijët. Po pati mundësi shteti ta bëjë këtë gjë faleminderit,” kërkoi Genci Daci. Nga ana tjetër ai ka kërkuar që vëllain e tij të mos e quajnë terrorist pasi kjo nuk është e vërtetë pasi. “Asgjë nuk është e vërtetë nga ato që thonë, asnjë akuzë për terrorist. Shkoni pyetni në fshat, të dëgjoni ça thonë jo prej meje,” u shpreh ai.
Almir Daci ka qenë imam në fshatin Leshnicë të Pogradecit, ndërsa më pas ishte larguar drejt Sirisë, bashkë me familjen e tij, gruan dhe fëmijët. Daci njihej ndryshe me emrin Al Albani, ndërsa luftonte përkrah shtetit Islamik, ISIS. Ai u bë i njohur gjatë një video ku kërcënonte Shqipërinë dhe shqiptarët.
Ndaj tij kishte nisur një proces gjyqësor për akuzat “Nxitje dhe thirrje publike për vepra terroriste” si dhe “Rekrutim të personave për akte terroriste”.
DENONCO