Policia e Qarkut të Lezhës ka dhënë detaje rë reja në lidhje me vrasjen e 50-vjeçarit Mark Ndreca ngjarje e ndodhur në fshatin Gallat të Kurbinit.
Burime pranë grupit hetimor i cili është ngritur për ngjarjen kanë bërë të ditur se midis viktimës dhe autorit ka patur konflikt edhe më parë përshkak të pronësisë së rrugës që të çon drejt HEC-it të Vinjollit.
Sipas burimeve, 50-vjeçari Mark Ndreca kishte bërë denoncim vetem dy ditë më parë në polici, se ndihej i kërcënuar nga 69-vjeçari Tom Lala. Denoncimi i bërë nga viktima, duke se nuk është pritur aspak mirë nga autori i krimit Tom Lala.
Autori dhe viktima ka qenë duke lëvizur të dy me automjetet e tyre në drejtim të fshatit Gallat të Kurbinit. 50-vjeçari i cili po lëvizte i vetem në furgon në drejtim të zonës malore i ka hapur krahun për të parakaluar 69-vjeçarit Lala.
Por sapo i është afruar mjetit të viktimës autori ka qëlluar me armë zjarri pistoletë në drejtim të tij, duke e lënë të vdekur në vend. Që prej pasdites të së shtunës forca të shumta policie kanë nisur kërkimet për autorin e ngjarjes, por pa mundur që të bien në gjurmët e tij.
Në ndihmë të Policisë së Qarkut të Lezhës kanë ardhur edhe ato të ndërhyrjes së shpejtë në Shkodër të cilët po ushtrojnë kontrolle në malin përreth ku mendohet të jetë fshehur 69-vjeçari.
Gjithashtu janë ngritur postblloqe policie edhe në superstradën Lezhë-Fushë-Krujë, por ende nuk është rënë në gjurmët e autorit të këtij krimi. Afërsia e banesës së autorit me atë të viktimës në fshatin Gallatë, ka bërë që të ketë një prezencë të vazhdushme të forcave policore aty pranë, përshkak të frikës së ndonjë hakmarrjeje të mundshme.
Ende pa kaluar 24-orë nga vrasja në fshatin Gallatë policia ka parandaluar një tjetër vrasje të mundshme në qytetin e Laçit.
Blutë e Kurbinit kanë bërë të ditur se kanë arrestuar në flagrancë shtetasen Davë Dedëgjonaj 65-vjeçe, ndërsa gjatë kontrollit të ushtruar ju gjet dhe një armë pushkë me fishekë në të gati për të qëlluar.
Kjo e fundit është konfliktuar gjatë mëngjesit të së dieles për motive të dobëta me fqinjin e sajë me iniciale S.Ll.
Kanë qenë banorë të zonës të cilët kanë njoftuar menjëherë policinë dhe falë ndërhyrjes së shpejtë të këtyre të fundit është bërë e mundur parandalimi i ngjarjes kriminale. Dedëgjonajt iu sekuestruan në cilësinë e provës materiale 1 armë zjarri pushkë me fishekë në fole dhe 175 fishekë, ndërsa materialet në ngarkim të saj i kaluan prokurorisë së Kurbinit për veprime të mëtejshme.
