“Hija”e Juventusit shkatërron Napolin. Skuadra nuk u mund nga bardhezinjtë e Allegrit, por nga Udineze që i dha një “shuplakë” të fortë në garën për titullin kampion duke e mundur 3-1.
Sfida e luajtur në “Friuli” ishte po aq e bukur sa stadiumi i ri i kësaj skuadre. Ndeshja filloi vrullshëm teksa vendasit kalojnë në avantazh që në minutën e 14-t me Fernandes.
Gonzalo Higuain barazoi shifrat 10 minuta më vonë, por skuadra friulane kishte shansin për të kaluar në avantazh një minutë më vonë nga pika e bardhë, një rast që u humb nga Fernandes. Ky i fundit realizoi një gol spektakolar në shtesën e pjesës së parë, raporton Albeu.
Në pjesën e dytë Thereau realizoi golin e tretë, ndërkohë që Higuain la skuadrën e tij me një lojtarë më pak disa minuta më vonë pasi mori kartonin e dytë të verdhë. Napoli tashmë është 6 pikë larg nga Juventusit i vendit të parë.
