Presidenti i Republikës Bujar Nishani ka lënë në harresë me qëllim ose jo, dekretimin e ligjit për vendosjen e kamerave të sigurisë.
Zyrtarisht nga Presidenca bëhet me dije se afati për dekretimin e këtij ligji ka qenë mesnata e mbrëmshme dhe se ditën e hënë do të ketë një komunikim zyrtar për vendimin që Kreu i Shtetit do të marrë për këtë ligj.
Ky fakt i lë të hapura të tre opsionet: Të kalimit në heshtje të këtij drafti, kthimit të tij për rishryrtim në Kuvend apo dekretimit të ligjit.
Kjo nismë e Qeverisë detyron bizneset të pajisen me kamera sigurie, në të kundërt do të mbyllen.
Gjithashtu masat shtesë të sigurisë në ambientet e përbashkëta të banimit.
Ligji është kundërshtuar nga opozita, por edhe ekspertë që vlerësojnë se nisma shkel privatësinë.
Vetëm pak ditë më para Ministri i Brendshëm Saimir Tahiri i bëri thirrje Nishanit të dekretojë ligjin.
