Ka qënë në takimin me Komisionerin e Zgjerimit Han, por Kryeministri Rama duket se më shumë se sa tek ai, e ka pasur mendjen diku tjetër.
I ulur mes 3 ministrave të kabinetit, atij të Brendshëm, Tahiri, atij të Jashtëm, Bushati dhe Ministres së Integrimit, Gjoshaj, dhe Kryetares së Komisionit parlamentar të Integrimit, Bregu, Rama dukshëm ka qënë më i vëmendshëm ndaj përfaqësueses së opozitës.
Fotografët e kanë kapur më shumë se sa një herë duke vështruar nga Bregu dhe të përqëndruar në gjestet e saj.
Edhe pse kësaj here, deputetja e PD-së rrallë e ka ngritur kokën dhe fare pak ka komunikuar me Kryeministrin, që kishte në krah, Rama disa herë është komentuar për vëmendjen e tij ndaj ish-ministres Bregu.
Por me gjasë, më shumë se sa ndaj saj, kjo duhet të jetë vëmendje ndaj grave të opozitës.
Sepse siç u shpreh në një intervistë deputetja tjetër Albana Vokshi, Rama është i vëmendshëm ndaj saj, e madje thellë thellë, i duket sikur flirton me të.
Nuk dihet se nga e ka këtë “pasion” Kryeministri ndaj grave të opozitës, sepse nuk duket se ndan të njëjtën vëmendje ndaj grave të PS-së dhe LSI-së.
