Basha në Shkodër, përkujton 4 dëshmorët e demokracisë (Foto të rralla të protestës)

Kreu i Partisë Demokratike, Lulzim Basha, ka shkuar në Shkodër për të përkujtuar 25- vjetorin e 4 dëshmorëve të demostruesve të 2 prillit 1991. Sot, përkujtohen 4 personat që u ekzekutuan në protestën massive të demokracisë.

Katër viktima e dhjetëra të plagosur ishin pasojat e plumbave ndaj forcave policore drejt turmës që protestonte. Bujar Bishanaku, Arben Broci, Nazmi Kryeziu dhe Besnik Ceka ishin të vrarët e asaj dite, sot të shpallur martirë të demokracisë.

Disa foto janë botuar për herë të parë nga gazeta “Panorama” ku tregohen pamjet nga data 2 prill 1991, të protestës masive në Shkodër. Ato janë fiksuar nga fotografi Angjelin Nënshati, i cili nuk jeton më, por djemtë e tij, pasardhës në këtë profesion, i përcjellin për publikun.

Gjatë protestës para Komitetit Qendror të PPSH­së në Shkodër

Ditën e sotme, këto fotografi të rralla do të jenë të ekspozuara në ambientet e Këshillit të Qarkut në Shkodër. Ky 2 prill shënon 25­ vjetorin nga ngjarja që shënoi një ndër revoltat më të mëdha popullore në vend. Pikërisht pas zgjedhjeve të marsit, edhe pse ishte rrëzuar busti i Enver Hoxhës në Tiranë disa muaj para, shteti autoritar.