Karriera e tyre sportive mund të ketë mbaruar prej kohësh, por ka akoma sportistë të cilët vazhdojnë të fitojnë miliona euro megjithëse në letra quhen pensionistë. Revista amerikane e biznesit “Forbes” ka publikuar një listë me ish-sportistët që fitojnë më shumë para megjithëse nuk janë më aktivë. Legjenda e basketbollit Michael Jordan dhe ikona e futbollit David Beckham zënë dy vendet e para.
Michael Jordan (Basketboll)
96,5 milionë euro Legjenda e basketbollit amerikan Michale Jordan, i cili gjatë viteve 90 fitoi gjashtë tituj me Chicago Bulls, e mbylli karrierën e tij në vitin 2003. Por atletet e tija te Nike janë akoma një burim parash për pronarin e Charlotte Hornets. Sipas “Forbes” ai vitin e kaluar ka fituar plot 96,5 milionë euro.
David Beckham (Futboll)
57 milionë euro Ikona e futbollit David Beckham nuk ka qenë i suksesshëm vetëm si futbollist, por edhe teksa luante futboll ai kryente marrëveshje me miliona euro me kompani të ndryshme duke u kthyer në një imazh promocional. Pasi la futbollin në vitin 2013, kompanitë vazhduan ta ndjekin nga pas lojtarin me milionat e tyre gati. Plot 57 milionë euro ka fituar David vitin e kaluar. Anglezi 40-vjeçar po planifikon të bëhet lideri i një grup investuesish të “Miami Beckham United”, të cilët priten të zbarkojnë në MLS vitin e ardhshëm.
Arnold Palmer (Golf)
35 milionë euro Arnold Palmer është një nga lojtarët e golfit më të famshëm. Amerikani ka fituar shtatë turne të mëdhenj gjatë karrierës së tij. Falë pijes me të njëjtin emër ai ka arritur të fitojë 35 milionë euro gjatë vitit të kaluar. Gjithashtu ka dhe një resort gjigant në pronësinë e tij.
Junior Bridgeman (Basketboll)
28 milionë euro Bridgeman njihej si ‘lojtari i gjashtë’ i ekipit të Milwaukee Bucks gjatë viteve 80. Që prej largimit të tij nga sporti ai ka një biznes zinxhir të shtrirë nëpër të gjithë Amerikën dhe vetëm vitin e kaluar ka fituar 28 milionë euro. Jo keq për një sportist që nuk konsiderohej as si titullar në NBA.
Jerry Richardson (Futboll Amerikan)
26,5 milionë euro Jerry Richardson ka luajtur për Baltimore Colts në NFL. Pas fundit të karrierës së tij në vitet 60, ai formoi ekipin e Carolina Panthers. Fitimet prej 26,5 milionë euro gjatë vitit të kaluar kanë ardhur nga aksionet e ekipit si dhe gna restorantet e shumtë me emrin Bojangles.
Jak Nicklaus (Golf)
23 milionë euro Pasi i dha fund karrierës në vitin 2005, golfisti profesionist amerikan Jack Nicklaus hapi një firmë arkitekturore e cila është e specializuar në planifikimin e fushave të golfit. Gjithashtu ai përfiton edhe shuma të majme nga restorantet zinxhir me emrin “Golden Bear Grill”, duke e çuar përfitimin vjetor në 23 milionë euro.
Shaquille O’Neal (Basketboll)
19,5 milionë euro Pasi la basketbollin, Shaq u bë analist për një kanal televiziv amerikan. Përveç kësaj, ai shiti edhe aksionet e tija të “Authentic Brands Group”, gjë që e bëri të fitojë 19,5 milionë euro vitin e kaluar.
Roger Penske (Motorsport)
17,5 milionë euro Ish-piloti Roger pense sot është pronari i “Penske Racing”. Ai ka një pasuri prej 1,3 miliard euro çka e bëjnë atë sportistin e dalë në pension më të pasur, megjithëse vitin e kaluar fitoi vetëm 17,5 milionë euro.
