Banorë të komunitetit rom kanë protestuar sot, duke bllokuar rrugën tek Unaza e re, pas mbylljes së tregut për shkak të ndërtimit të mbikalimit në këtë zonë. Ata janë përplasur me forcat e policisë që kanë tentuar t’i largojnë.
Romët kanë deklaruar se do të vijojnë protestat nëse nuk ka zgjidhje për ta. “Qeveria na shembi banesat, tani na mbylli dhe tregun e po na lënë pa bukën e gojës”, thanë ata.
