Vojslav Sheshel është shpallur i pafajshëm nga Gjykata e Hagës në të gjitha pikat që ishte i dyshuar. Serbi ultra-nacionalist Vojislav Sheshel nuk është gjetur fajtor për krime lufte dhe krime kundër njerëzimit gjatë luftërave ballkanike në vitet 1990.
Gjykata e krimeve të luftës e OKB-së në Hagë tha se ai nuk mbante asnjë përgjegjësi individuale për krimet. Sheshel më herët kishte mohuar të gjitha akuzat.
Ai u lejua të shkonte në Beograd në vitin 2014, pasi u diagnostikua me kancer. Sheshel nuk ishte i pranishëm në sallën e gjyqit, madje nuk pranoi ofertën e gjykatës për të ndjekur vendimin përmes video lidhjes.
Ai ka qenë duke marrë pjesë në mitingje anti- qeveritare përpara zgjedhjeve parlamentare të Serbisë. Sheshel ka qenë një aleat i ngushtë i Presidentit të vdekur serb Slobodan Milosevic. Ai shërbeu si zëvendës kryeministër i Serbisë prej vitit 1998 deri në vitin 2000.
Ai u dorëzua në Tribunalin e Hagës në mënyrë vullnetare në vitin 2003. Kur gjykata kërkoi të caktojë një mbrojtës kundër dëshirave të tij, ai nisi një grevë urie. Ndaj tij rëndonin tri akuza për krime kundër njerëzimit dhe gjashtë të krimeve të luftës për nxitje të spastrimit etnik në Kroaci, Bosnjë dhe provincën serbe të Vojvodinës në periudhën gusht 1991 – shtator 1993.
Kur gjyqi ndaj tij u hap në vitin 2007, prokurorët argumentuan se ai ishte penalisht përgjegjës për vrasje, torturë dhe dëbimin e jo serbeve si pjesë e projektit të tij për të krijuar një ” Serbi të Madhe “. Ata e akuzuan atë për ngritjen e një ushtri vullnetarësh që kishin kryer ” krime të patregueshme “. Në një qortim qe i ka bërë Sheshel tribunalit ka thënë se i vjen keq për faktin se nuk u shqyrtua për të dënimi me vdekje./GazetaExpress/
