Një mbikalim i ndërtuar pjesërisht është shembur ku të paktën 18 persona kanë humbur jetën ndërsa dhjetëra të tjerë janë plagosur.
Ngjarja ka ndodhur në Kalkutë të Indisë, ndërsa incidenti ndodhi në një orë ku lagjja është me një popullsi të dendur.
Policia, ndihmësit dhe kalimtarët po përpiqen të ngrenë blloqet e çimentos dhe të hekurit nga rruga që ndodhet më poshtë.
Imazhet tregojnë banorët duke u përpjekur me duart për të hequr objektet dhe për t’i dhënë ndihmën e parë të plagosurve.
Shkaqet e katastrofës ende janë të paqarta por kompania përgjegjëse ka thënë se do të bashkëpunojë me hetuesinë për të zbardhur këtë ngjarje të rëndë.
